វដ្តរដូវមានតួនាទីសំខាន់ចំពោះសុខភាពរបស់បងៗនារី។ ការយល់ដឹងអំពីវដ្តរដូវដែលប្រក្រតី និងដែលមិនប្រក្រតី អាចជួយឲ្យបងៗនារីកំណត់សញ្ញាដែលប៉ះពាល់ដល់បញ្ហាសុខភាព។ អត្ថបទនេះនឹងផ្តល់ព័ត៌មានសំខាន់ៗអំពីវដ្តរដូវ និងពេលណាដែលបងៗនារីត្រូវពិភាក្សាជាមួយវេជ្ជបណ្ឌិត។

តើវដ្តរដូវធម្មតា ឬ ប្រក្រតីគឺជាអ្វី?

វដ្តរដូវធម្មតាមានរយៈពេលចន្លោះពី ២១ ដល់ ៣៥ ថ្ងៃ។ រដូវអាចមានរយៈពេលពី ២ ដល់ ៧ ថ្ងៃ។ កម្រិតឈាមអាចមានសាល មធ្យម ឬច្រើន ហើយការរំលូតឈាមជាធម្មតាអាចមានចន្លោះ ១០-៨០ml។ វាជារឿងធម្មតាដែលអាចជួបប្រទះនូវការហូរឈាមមិនធម្មតាម្តងម្កាលក្នុងបរិមាណតិចតួចអំឡុងពេលមករដូវរបស់បងៗនារីពីមួយខែទៅមួយខែ។

សញ្ញានៃវដ្តរដូវដែលបងៗនារីមានសុខភាពល្អ

វដ្តរដូវដែលមានសុខភាពល្អមានលក្ខណៈទៀងទាត់ និងអាចកំណត់ពេលវេលា និងបរិមាណឈាមបាន។ ការឈឺពោះតិចតួច ឬឈឺចុករោយនឹងអាចជាការឈឺចាប់ខ្លាំង ឬមានភាពបម្រែបម្រួលខ្លាំងអាចជាសញ្ញាដែលបង្ហាញពីបញ្ហាដែលប៉ះពាល់ដល់សុខភាពផងដែរ។

តើវដ្តរដូវមិនធម្មតា ឬ មិនប្រក្រតីគឺជាអ្វី?

បងៗនារីគួរតែពិចារណាជាមួយវេជ្ជបណ្ឌិតប្រសិនបើមានសញ្ញាដូចខាងក្រោម:

● រដូវមិនទៀងទាត់ (វដ្តរដូវខ្លីជាង ២១ ថ្ងៃ ឬវែងជាង ៣៥ ថ្ងៃ)

● បាត់រដូវលើសពី ៣ ខែ (មិនរាប់បញ្ចូលការមានផ្ទៃពោះ)

● ការមកឈាមរដូវច្រើនពេក (តម្រូវឲ្យមានការផ្លាស់ប្តូរសំឡីអនាម័យជាញឹកញាប់ក្នុងមួយម៉ោងត្រូវផ្លាស់ប្តូរម្តង)

● រដូវមានរយៈពេលលើសពី ៧ ថ្ងៃ

● ការឈឺចាប់ខ្លាំងដែលប៉ះពាល់ដល់ជីវិតប្រចាំថ្ងៃ

● ការហូរឈាមក្រៅវដ្តរដូវ ឬបន្ទាប់ពីអស់រដូវ។

ហេតុផលដែលអាចបណ្ដាលឲ្យរដូវមិនធម្មតា ឬ មិនប្រក្រតី

មានហេតុផលជាច្រើនដែលអាចបណ្តាលឲ្យវដ្តរដូវមិនទៀងទាត់:

● ភាពខុសប្លែកនៃអ័រម៉ូន (ដូចជា PCOS)

● ការកាត់បន្ថយទំងន់ខ្លាំង ឬហាត់ប្រាណខ្លាំងពេក

● សម្ពាធ និងការផ្លាស់ប្តូររបៀបរបបរស់នៅ

ការយល់ដឹងអំពីវដ្តរដូវពេលណាប្លែក និងពេលណាមិនប្លែកអាចជួយបងៗនារីរក្សាថែរក្សាសុខភាពបន្តពូជ និងសុខភាពទូទៅបានល្អ។ បើសិនមានការប្រែប្រួលដែលបង្ហាញពីភាពមិនធម្មតាតាមចំណុចដែលបានលើកឡើងខាងលើនេះ អ្នកគួរតែពិគ្រោះជាមួយវេជ្ជបណ្ឌិតដើម្បីរកមូលហេតុនិងទទួលការព្យាបាលដ៏ត្រឹមត្រូវ។

ចង់ស្វែងយល់បន្ថែមមែនទេ? ចុះឈ្មោះដើម្បីទទួលបានព័ត៌មានថ្មីៗអំពីសុខភាពវដ្តរដូវ! បងៗនារីដែលមានសំណួរឬបទពិសោធន៍ អាចចែករំលែកក្នុងមតិយោបល់ខាងក្រោមនេះបាន។

ប្រភព និងឯកសារ

● Mayo Clinic: Menstrual Cycle: What’s Normal, What’s Not